西超盃皇馬巴塞宿敵大駁火_東方日報

今晚喺中立場沙特舉行嘅西超盃決賽，由皇家馬德里同巴塞隆拿兩大宿敵合演「國家打吡」。呢場亦係上屆決賽翻版戲碼，皇馬復仇心切，巴塞亦希望藉衞冕西超盃重新出發，駁火騷走唔甩，中位數2.5球入球大捧得過。（周一凌晨3時開賽）

西超盃自2019年改制後，皇馬曾經兩度封王，不過上屆決賽就以1比3輸畀巴塞，今屆為復仇而來。佢哋喺4強同馬體會合演入球騷，踢到加時贏5比3，雖然盡顯韌力，但後防呈現不穩，明顯攻強守弱。

「國家打吡」唔衰得
巴塞日前4強以2比0輕取奧沙辛拿，係自上年9月歐聯大勝安特衛普5粒後，首次贏多過一球。賽後主帥沙維坦言希望藉西超盃為下半季征途打支強心針，事實上中場柏迪傷愈復出，令巴塞進攻更有條理，「羅拔佬」連續兩場有士哥，亦一洗早前頹風。翻查紀錄，雙方近6次正式賽事碰頭，各贏3場，其中5場開3球或以上，「國家打吡」兩邊都唔衰得，預計鬥攻格局，大盤有計。