英超衝冠冇留手利物浦收大禮_東方日報

喺曼城對阿仙奴前，另一爭標球隊利物浦搶先登場，主場迎戰白禮頓。「紅軍」上場英足盃畀曼聯淘汰出局，4冠夢碎，為重奪英超自然不容再失，加上佢哋喺晏菲路極度搶韁，近7場主場5次開4球或以上，面對踢法同樣主攻嘅白禮頓，3.5球入球大咪走寶。（Now聽621及611周日晚9時直播）

利物浦現時同阿仙奴及曼城鬥得火紅火綠，今場只要贏波就可先上榜首，「食住花生」睇曼城同阿仙奴廝殺，爭勝心十足。「紅軍」近況其實唔差，近5場聯賽4勝1和，上場英足盃畀曼聯踢出局，只怪領隊高普太過老定，中段就收起王牌穆罕默德沙拿，今場唔會犯同樣錯誤，將加強攻力壓制對手，不過安德魯羅拔臣踢「太公波」受傷，焗用小將干拿巴特利，後防或現漏洞。

白禮頓爭踢歐賽作客照搶
白禮頓剛於歐霸盃16強出局，暫時集中精力應付聯賽，佢哋仲有機會爭奪歐洲賽資格，唔會咁易放棄，首循環雙方踢成2比2，今晚再演入球騷唔奇。