奧女足踢法搶韁務求佔得先機美日駁火半大捧得過_東方日報

女奧足8強展開，頭場美國女足硬撼日本女足。兩隊喺分組賽展現強大火力，面對強敵預計照樣搶攻駁火，務求搶佔先機，1.5球嘅半場大值博。

（HOY聽TV聽76台周六晚9時直播）
美國女足喺Ｂ組3戰全勝，攻入9球屬今屆火力最強球隊，事實上呢支由前車路士女足主帥希耶絲領軍嘅爭標熱門，踢法極具侵略性，經常早段就向對手施壓取得甜頭，分組賽9個入球當中，有7球就喺上半場攻入，今場有力照辦煮碗。

洛文乖女光芒四射
美國前線人才鼎盛，ＮＢＡ「籃板王」洛文嘅女洛雯光芒四射，連同施雲遜及索菲亞史密絲包辦7個入波，腳風甚順。睇番近6次對賽，「美女」獲5勝1和，包括12年前嘅倫奧女足決賽贏日本奪金，心理佔優下實行一開波就搶。

日本女足踢法同樣主動，首場面對大熱西班牙女足，佢哋亦係先入波一隊，上場對尼日利亞女足上半場就連轟3粒，以3比1輕取對手，火力不容小覷。日本女足近4場奧運，3場半場總入球開2球或以上，今仗推介半場大。