柏林聯鋒無力半和格

2020/10/2 11:41:58
今晚德甲有下游對決,柏林聯主場對緬恩斯。柏林聯今季賣走前鋒施巴斯坦安達臣,鋒力進一步削弱,開咧2連敗嘅緬恩斯,啱啱仲炒埋教練添,客場出擊梗係唔敢冒進,呢場海軍鬥水兵格局,不妨揀半場和。(周六凌晨2時30分開賽)

上季首度征戰德甲嘅柏林聯,以第11名過終點,更不乏擊敗多蒙特、法蘭克福等神來之筆,施巴斯坦安達臣居功不少,呢位瑞典前鋒上季聯賽有12球進帳,成為球隊首席射手。可惜佢今季改投科隆,柏林聯於季前未有相應嘅對策,只係免費簽入從土超回流嘅前雲達不來梅前鋒麥斯古斯,但佢仍需時間適應,令佢哋進攻乏力,連埋德盃在內,開季3戰法定時間未贏過,入得2球,當中有2場開半場和,包括德盃對弱旅卡爾斯魯厄,就算啱啱從利華古遜借得前鋒普贊柏路,亦未必能立即提升火力。

緬恩斯2連敗炒主帥
另一邊廂,緬恩斯開季聯賽2連敗,令主帥比爾路沙成為今季第2位落鑊嘅德甲教頭,依家暫時由助教列捷迪頂住檔。先唔講有冇新帥效應,但睇番佢哋2場狂失7粒,今仗仲有守將尼亞希迪坐波監,相信列捷迪首要任務係做好防守,慢慢重建番球員信心,先至有力搶分,今仗造訪攻力麻麻嘅柏林聯,必陷於膠着唔慌多波入,如果唔想等到咁夜捱眼瞓,可買定半場和,等45分鐘隨時提早收錢。
上一条:日职乙攻略福冈黄蜂VS东京绿茵 下一条:0330 西甲 切爾達巴塞隆拿