費倫天拿主W森水之選

2020/10/2 11:42:00
今晚意甲有場獨腳戲,費倫天拿主場對森多利亞,兩隊上場都輸波,但過程大不同,費倫天拿奮戰之下,僅以3比4不敵國際米蘭,反觀森多利亞被新升班球隊賓尼雲圖反勝,認真失禮,一於捧費倫天拿主勝。(myTV Gold 301、Now 638、有線654及614台周六凌晨2時45分直播)

費倫天拿開季之後取得1勝1負,但其實上場作客國際米蘭,表現相當唔錯,曾經兩度領先,可惜喺最後3分鐘連失2球,僅輸3比4,雖敗不辱。「紫百合」多位主力狀態不俗,老將列貝利上場交出2次助攻,甚具卡士,中場卡斯度維利已經連續2場入波,球星費達歷高基艾沙今季改任右翼衞,同樣有出色發揮,繼開鑼戰貢獻助攻之後,上場亦射入1球。費倫天拿中前場人腳大勇,有力撕開森多利亞嘅脆弱防線。

森多利亞防線脆弱
另邊廂,森多利亞開季2連敗共失6球,首輪作客0比3不敵祖雲達斯,仲可以話因為對手太強,但上輪主場對賓尼雲圖,領先2球優勢下,竟然倒輸2比3,實在無力再辯解,老帥雲尼亞里似乎冇晒計,今場作客面對攻擊力強橫嘅「紫百合」,更難招架。費倫上季聯賽兩循環都擊敗森多,合共攻入對手7球,今場主勝值得捧場。
上一条:西甲大勢巴塞更衣室大亂征戰往績差「切」定月餅買下盤 下一条:0300 歐霸 熱刺海法馬卡比