希古恩黑氣未除「國邁」可長反

2020/10/6 20:36:57
美職新軍國際邁亞密有星級班主碧咸揸旗,仲喺季中接連簽入祖雲達斯中場馬度迪及希古恩,野心勃勃。不過,希古恩堅係「地獄黑仔王」,繼首仗操刀12碼宴客,搞到「國邁」不敵費城聯後,昨晨聯賽對紐約城,希古恩二傳畀李維士摩根一度追成2比2,可惜最終都係輸2比3,累計近3仗都贏唔到,搞到「咸爺」冇晒飛士。嚟緊「國邁」周中作客對紐約紅牛,識玩梗係捧對家。

(周四早上7時開賽)

新英倫革命旺半場和
講開周中美職,新英倫革命要搶分保季後賽席位。值得留意嘅係,革命15場常規賽只入15粒,但僅失12球,失波數字之少僅次東岸1哥哥倫布機員,而且比賽初段特別保守,15場常規賽竟有12仗開半場和,其中9仗半場波膽為0比0,嚟緊周四早上7時半主場迎戰FC多倫多,隨時再開半場和。
上一条:0830 美職聯 拿舒維爾明尼蘇達聯 下一条:没有资料