王者對決!C朗孭起葡軍唔赦法國

2020/10/11 21:11:04
歐國聯周一凌晨上演A3組大戰,由法國主場對葡萄牙,一隊係世界盃冠軍,另一隊係歐國盃盟主,亦係2016年歐國盃決賽戲碼,當年葡萄牙戰至加時贏1比0捧盃,今次兩雄再度相遇,葡萄牙上仗熱身賽對西班牙展示不俗狀態,預計今場頂得住法國強攻,葡萄牙受讓之下,讓球客勝值得一博。

(香港開電視77台、有線661及601台周一凌晨2時45分直播)

法國上仗熱身賽大炒烏克蘭7比1,睇到球迷眉飛色舞;「高盧雞」大軍攻力固然強勁,但背後原因係烏克蘭受疫情影響,陣中多人「中招」退隊,無奈以半力應戰下先至出現呢場大敗,因此未能反映法國目前嘅真正水平。前鋒基奧特對住烏克蘭梅開二度,並且以42個國家隊入球,超越名宿柏天尼,躋身法國歷史射手榜第2位,距離51球嘅亨利尚差9球,預計基奧特會繼續爭取士哥,希望成為法軍入球之王。

葡萄牙攻守皆出色
實力非凡嘅法國喺A3組首2仗,連勝瑞典及克羅地亞,不過只能排小組第2,因為今仗對手葡萄牙同樣2連勝,並以較佳得失球位居榜首。呢支「黃金探險隊」整體實力不在法國之下,雖然上仗熱身賽同西班牙踢成0比0,但係葡萄牙該仗攻勢甚多兼且威脅力十足,比賽當中更出現2次射中楣鏡頭,而且防線表現成熟,成功擋住「狂牛兵團」來犯,經得起考驗。

世界盃冠軍法國為報當年歐國盃一敗之仇,今仗戰意特別旺盛;葡萄牙當年決賽喺C朗早段傷出下仍能獲勝,今仗由呢位球王領軍更加唔怕法國,盤口開出葡萄牙受讓,讓球客勝值得捧場。
上一条:日职乙攻略枥木SCVS冈山绿雉 下一条:没有资料