熱刺啞火難炒西布朗

2021/2/7 22:53:15
今晚英超早場,熱刺主場迎戰西布朗。熱刺近期表現走下坡,而且剛於周中「倫敦打吡」激戰不敵車路士,球員體力消耗甚大兼且士氣受挫,加上射手哈利卡尼養傷,進一步影響攻擊力。西布朗自知實力不及對手,今場應該會主守,睇番雙方近7次聯賽交鋒,有6次總入球開2球或以下,首選中位數2.5球嘅入球細。(Now 621周日晚8時直播)

熱刺近期頻頻遭受打擊,包括喺英超連接不敵利物浦、白禮頓及車路士,其中對「紅軍」一役,王牌射手哈利卡尼不幸足踝受傷,今仗繼續缺陣。呢位英格蘭國腳今季英超射入12球並貢獻11次助攻,換言之熱刺有近3分2嘅聯賽入球都係由佢創造。「哈神」缺陣之下,嚴重削弱熱刺入球能力,結果近兩場都輸0比1,如今熱刺更加倚賴孫興民爭取入球,西布朗必有所防範,屯重兵凍結呢位南韓國腳,令熱刺進攻舉步維艱。

鐵桶陣招呼勁旅
西布朗上周中1比2不敵錫菲聯後,近12場英超僅1勝,預料難以對熱刺構成太大威脅,應會以穩守踢法為主,希望守和攞到1分已經達標。事實上,西布朗今季聯賽作客對勁旅,守得非常穩固,包括打和曼城及利物浦1比1,以及0比1僅負曼聯,何況熱刺近期狀態欠佳,更難攻破西布朗嘅鐵桶陣,相信今場會係一場攻防戰,入球唔會多,捧細盤啱數。
上一条:前线报料巴拉干天奴紅牛VS法林明高 下一条:没有资料