世界王者好波賀歲拜仁半細睇定食

2021/2/11 20:36:52
今日大年三十晚,世冠盃兩場大戰陪大家送鼠迎牛!戲肉當然係決賽拜仁慕尼黑鬥堤格雷斯。過去13屆世冠盃有12次由歐聯冠軍捧盃,計往績拜仁可謂佔盡上風,不過睇番近幾屆決賽過程絕非一面倒,尤其上半場當大家有氣有力時,戰況遠比想像中咬得緊,比賽初段入球數字偏低,波童建議揀1.5球半場細。(香港開電視77台、有線661及601台周五凌晨2時直播)

自從南美洲代表捧走頭3屆冠軍,近年世冠盃都係歐洲代表天下,對上13屆只有車路士喺2012年決賽輸波屈居亞軍,其餘12屆歐洲代表全部都能順利捧盃。不過連同今屆在內,近6屆世冠盃都喺亞洲舉行,加上又喺季中,歐洲球隊經過長途跋涉,贏波過程絕非輕鬆,好似上屆利物浦就要踢到加時先以1比0險勝法林明高,之前3連霸盟主皇馬除咗喺2018年決賽大勝艾阿恩4比1,其餘兩屆對鹿島鹿角要踢加時、對甘美奧亦只能小勝1球,足證各洲代表喺實力上,已經同歐洲球隊愈拉愈近。

近6屆決賽半場例少交收
堤格雷斯上場1比0擊敗彭美拉斯,成為首支打入世冠盃決賽嘅中北美洲代表,表現有晒交代,其中法國老將基格納喺今屆賽事已射入3球,力壓今場對手、射入兩球嘅羅拔利雲度夫斯基,相信拜仁後防都唔可以睇小佢。拜仁上場靠「羅拔仔」上、下半場各入一球,輕描淡寫以2比0淘汰艾阿里,擺明睇定嚟食,今場隨時照辦煮碗。睇番拜仁對上一次捧走世冠盃,決賽都係贏非洲球隊拉查體育會2比0,而且近6屆世冠盃決賽,有5次上半場總入球都唔多過1球,相信今場比賽初段都唔會有太多入波,捧1.5球半場細穩陣。
上一条:0830 智甲 天主教大學卡拉雷聯 下一条:没有资料