利雲特半和頂住畢爾包

2021/2/11 20:36:54
今晚西盃4強首回合,「巴斯克雄獅」畢爾包主場硬撼利雲特。畢爾包自從爆冷奪得西超盃後,狀態略為回落,進攻重心蒙尼恩又因傷缺陣,影響頗大,「小蝙蝠」連場不敗硬淨到暈,而且初段例穩陣行先,半場和值得捧場。 (周五凌晨4時開賽)

畢爾包殘陣谷唔起
畢爾包今季搵來西甲老江湖馬些連奴接手,立即於西超盃連挫皇馬同巴塞封王,新帥效應立竿見影。不過之後開始有下滑迹象,近2場聯賽不勝,近3圈西盃都贏得驚險,包括上圈靠互射12碼先淘汰貝迪斯,與之前嘅氣勢明顯有分別。除咗恩尼高維辛迪因早前確診新冠肺炎,仍需隔離外,蒙尼恩亦都傷埋,冇咗呢位擅於組織及突破嘅翼鋒支援,箭頭伊拿基威廉斯勢必孤掌難鳴。

利雲特狀態唔錯,近9仗未輸過,包括聯賽反勝皇馬,以及上圈西盃喺加時最後一刻絕殺維拉利爾,戰力唔講得笑,佢哋近日仲同老將荷西摩拉利斯續約至2023年,呢位進攻中場今季各項賽事已入11粒,老而彌堅,今次續約令士氣大振。不過,「小蝙蝠」踢法只求穩陣,近6仗有5次開半場和,單計西盃,近3圈亦有2次與對手半場打和,預計今仗初段都係穩打穩紮,半場和不妨追多鋪。
上一条:英足盃攻略般尼「夫」添值追捧 下一条:没有资料