西維爾多蒙特做大騷

2021/2/17 17:22:02
Goal手過招鬥攻格局
今晚另一場歐聯16強首回合,西維爾主場迎擊多蒙特。西維爾今屆歐聯重攻輕守,首席射手安尼斯利日前聯賽被收起,抖夠於今仗搏殺;多蒙特神鋒艾寧夏蘭特近況亦弗,加上「蜜蜂兵團」近4場歐聯有3次開3球或以上,擺明鬥攻格局,必捧2.5球嘅入球大。

(Now 644、有線661及601台周四凌晨4時直播)

各位球迷都知西維爾係「歐霸之王」,但今屆轉戰歐聯絕不失禮,6場分組賽取得4勝1和1負。呢支西甲勁旅喺主帥盧比迪古帶領下,6場分組賽入9球失8粒,踢法有前冇後。其中最搶鏡非安尼斯利莫屬,呢名摩洛哥前鋒今屆歐聯已有4球進帳,上場西甲主場鬥侯爾斯卡小勝1比0,西維爾冇派佢上陣,今仗必定猛虎出柙,而冬窗加盟嘅艾真度高美斯亦極速融入,挾8連勝氣勢,主場必定搶攻求先拔頭籌。

艾寧夏蘭特歐聯省6粒
另邊廂,多蒙特今屆分組賽同樣6戰取得4勝1和1負,攻入12粒火力更勝一籌,當中挪威神童艾寧夏蘭特已入咗6球,暫時同尼馬、拉舒福特及艾華路莫拉達並列歐聯射手榜榜首,連同上屆在內,佢只用12場就轟入16粒,打破雲尼斯達萊及蘇爾達杜保持嘅歐聯最快入15球紀錄。不過「蜜蜂兵團」今季防線表現欠穩,近8仗場場有失波,包括上場聯賽主場同賀芬咸踢成2比2,明顯攻強守弱。睇番多蒙特近4場歐聯有3次開3球或以上,捧入球大最為上算。
上一条:半场孙兴慜凯恩相互传射,热刺20阿森纳 下一条:没有资料