16連勝強勢勒唔住

2021/2/17 17:22:12
般尼防線不整
英超周四凌晨上演護級大戰,排尾5嘅般尼喺主場迎戰尾3球隊富咸,雖然般尼目前同降班區仍有8分距離,不過論近況就以排18位嘅富咸更加凌厲。富咸自從改善防守後頻頻搶分,冬季轉會窗增兵令球隊戰鬥力更上一層樓,上場作客擊敗愛華頓軍心大振,正所謂「寧買當頭起」,今場富咸有力開出客勝。(Now 621周四凌晨2時直播)

富咸今季升上英超後,大部分時間身處降班區,球隊最大問題係頻頻和波,上仗擊敗愛華頓前,對上11場聯賽8和3負。事實上富咸嘅防守力唔差,近5場聯賽有3仗保持不失,佢哋月初從波爾多借用尼日利亞前鋒祖殊馬查,效果立竿見影,上仗贏愛華頓正正由呢位新加盟前鋒包辦兩個入球。富咸重響勝鼓士氣高昂,今場可望延續近期強勁聲勢。

賓美派達斯上陣成疑
主隊般尼表現飄忽,1月底曾經連贏利物浦同阿士東維拉,但之後3仗只得1分,到上場再大勝水晶宮重返勝軌,可惜亦付出沉重代價,兩大後防賓美同派達斯喺比賽尾段先後傷出,今仗上陣成疑。般尼今仗雖然主場出擊,但佢哋近期主場表現令人失望,近5仗主場只有1勝1和3負,今場難擋狀態冒起嘅富咸,一於要客勝。
上一条:歐聯攻略多蒙特傷兵多必捧西維爾 下一条:没有资料