[太阳拆局]连格离队韦斯咸让唔起纽卡素

2021/8/15 18:58:05
今晚英超头场,「喜鹊」纽卡素主场硬撼「锤仔帮」韦斯咸。韦斯咸上季取得欧洲赛资格,但「连王」连格已经离队,不宜高估,而且近年对亲「喜鹊」例冇运行,作客让波捧唔落手,宁捧让球主胜。(Now 621周日晚9时直播)

韦斯咸上季后劲凌厉,以第6名过终点,并取得欧霸入场券,「莫天才」莫耶斯真系吐气扬眉,而佢最醒就系季中从曼联借入连格,「连王」半季上阵13场,就入9粒兼贡献3次助攻,绝对系「锤仔帮」重返欧洲赛嘅头号功臣,可惜佢高达10万镑周薪,韦斯咸实在负担唔到,惟有退番畀红魔,对佢哋影响不小。

「喜鹊」买断祖尔韦洛克

另一边厢,纽卡素啱啱正式签入祖尔韦洛克,呢位上季季中从阿仙奴借来嘅年轻中场,半季就入咗8粒,包括季尾连续7场英超有士哥,其中不乏多场后备入替于末段建奇功,系「喜鹊」最终成功护级嘅关键人物,加上佢冇伤兼夹惯夹熟,今仗随时可立即披甲。翻查纪录,双方近5次正面交锋,纽卡素取得4胜1和未输过,包括上季季尾主场险胜3比2,「洛克人」后备落场更攻入奠胜入波,摆明食住「锤仔帮」,主场有得受让咁笋,让球主胜有买趁早。
上一条:[东方拆局]0245 法甲 馬賽波爾多 下一条:没有资料