[太阳拆局]稳中求胜!车路士细破辛尼特

2021/9/14 20:15:11
今晚欧联H组首轮赛事,车路士展开卫冕第一击,于主场迎战辛尼特。「车仔」上届能登上欧洲之巅,全凭铜墙铁壁嘅防守,今场遇上攻力一般嘅辛尼特,相信车路士可望稳中求胜,中位数2.5球嘅入球细更值博。
(Now 643周三凌晨3时直播)


「车仔」上季能及时止跌回升,并且勇夺欧联锦标,主帅杜曹居功至伟,佢喺季中上任后改打3421阵式,重新巩固脆弱嘅防守成为个中关键。睇番车路士近8场欧联仅失3粒,全开2球或以下,并有5仗保持清白之身,其中7仗就系由杜曹领军,可见呢位德国教头调教有方,令防守固若金汤。


迪斯尤巴跌晒Watt

呢支英超球队今届保持原有嘅体系,并加入冲刺力强劲嘅箭头卢卡古,进一步完善球队稳守突击踢法。之前联赛作客面对攻力强劲嘅利物浦,车路士有一半时间打少个,但仍能守住1比1赛果;上场斗阿士东维拉又大胜3比0,近4仗只失1球,其中3场冇失波,相信等闲之辈根本难越雷池半步。


辛尼特虽位居俄超前列,但发挥其实麻麻,近4仗只获2胜,走势明显有放缓迹象;老将迪斯尤巴开咧后仍未开斋,脚风极之唔顺,加上呢支俄超劲旅上届欧联分组赛6战5败,仅入4粒咁大把,「车仔」要喺H组响头炮难度唔大,不过今场热捧主胜冇肉食,既然车路士保持稳中求胜策略,未必会大炒对手,转捧2.5球嘅入球细好过。
上一条:拜仁季前准备计划7月7日开启季前训练,将参加4场友谊赛 下一条:没有资料