[太阳拆局]女子欧国杯挪威半场W轰炸奥地利

出线关键战抢到尽女子欧国家杯A组出线关键战，奥地利女足恶斗挪威女足。两军同样一胜一负，今场边队赢波就攞到出线资格，挪威女足上场大败畀英格兰，知耻近乎勇，今仗要挽回面子必定抢攻，佢哋近7场有5场半场领先，推介半场客胜。

（周六凌晨3时开赛）

奥地利女足上仗斗呢组鱼腩部队北爱尔兰女足，最终以2比0赢波，但过程唔算轻松，上半场靠一个死球攻势门前混战射入，一直要到88分钟先攞到「燕梳球」。今场对住实力更强嘅挪威，估计踢法会转趋保守，因为双方同分会计对赛成绩及对赛得失球，再一样嘅话，就会计总得失球，咁计法奥地利女足呢场只要唔输就可以出线，应该会好似首战斗英格兰女足咁，龟缩喺后边防守。

挪威女足上场惨败0比8于东道主英格兰女足脚下，主要系输畀「主场鸡」，无啦啦输一个极具争议嘅12码，搞到输坏咗个头，后防之后患得患失导致大败，今场重头再来，必定全力争取赢波出线。

奥地利女足往绩输蚀

论世界排名，排11位嘅挪威女足比排21位嘅奥地利女足高，实力亦较强，而且近5次交手获4胜1和，挪威女足只要发挥正常，今场全取3分系基本任务。不过为咗稳阵起见，就梗系上半场早早入多几粒奠定胜局好啲，而且为咗应付之后嘅淘汰赛，可以早啲畀主力休息，预料挪威足一开波便会嚟料，半场客胜值得跟进。